தில்ஷன் மதுஷங்கா, ஆடம் மில்னே, லுங்கி நிகிடி, வில்லியம் ஒ ரூர்க், சேத்தன் சக்காரியா, சந்தீப் வாரியர் ஆகியோரை எந்த அணியும் வாங்க முன்வரவில்லை.
உள்ளூர் வீரரான பிரியன்ஷ் ஆர்யா மீது நிறைய அணிகள் ஆர்வம் காட்டின. இதனால் அவரது அடிப்படை விலையிலிருந்து (ரூ.30 லட்சம்) கிடுகிடுவென உயர்ந்து கொண்டே சென்றார். இறுதியில் ரூ. 3.8 கோடிக்கு பஞ்சாப் கிங்ஸ் அணி அவரை வாங்கியது.
நமன் திவாரி, திவேஷ் சர்மா, குல்வந்த் கெஜ்ரோலியா, எமன்ஜோத் சாஹல், சல்மான் நிசார், ஷிவம் மாவி போன்ற நிறைய உள்ளூர் வீரர்கள் மீது எந்த அணிகளும் ஆர்வம் காட்டவில்லை.
இங்கிலாந்து வீரரான ஜேக்கப் பெத்தேலை பெங்களூரு அணி ரூ. 2.6 கோடிக்கு வாங்கியுள்ளது.
இங்கிலாந்து வேகப்பந்து வீச்சாளர்களான பிரைடன் கார்சை ரூ. 1 கோடிக்கு ஐதராபாத் வாங்கியுள்ளது.
இலங்கை வீரரான துஷ்மந்த் சமீராவை டெல்லி அணி ரூ. 75 லட்சத்திற்கு வாங்கியுள்ளது.
உள்ளூர் வீரர்களான முஷீர் கான் மற்றும் சூர்யன்ஷ் ஷெட்ஜ் இருவரையும் பஞ்சாப் கிங்ஸ் தலா ரூ. 30 லட்சத்திற்கு வாங்கியுள்ளது.
உள்ளூர் வீரர்களான ராஜ் அங்கத் பாவா மற்றும் அனிகேட் வர்மா ஆகியோர் அடிப்படை விலைக்கே (ரூ. 30 லட்சம்) மும்பை மற்றும் ஐதராபாத் அணிகளால் வாங்கப்பட்டுள்ளனர்.
வெஸ்ட் இண்டீஸ் வீரரான ஷமர் ஜோசப்பை ரூ. 75 லட்சத்திற்கு லக்னோ மீண்டும் தனதாக்கியுள்ளது.
ஆஸ்திரேலிய வேகப்பந்து வீச்சாளர் நாதன் எல்லீசை ரூ. 2 கோடிக்கு சென்னை சூப்பர் கிங்ஸ் வாங்கியுள்ளது.