ஐ.சி.சி. டிசம்பர் மாத சிறந்த வீரர் விருது; பரிந்துரை பட்டியலில் இந்திய வேகப்பந்து வீச்சாளர்

துபாய்,

சர்வதேச கிரிக்கெட் கவுன்சில் (ஐ.சி.சி) ஒவ்வொரு மாதமும் சிறந்த கிரிக்கெட் வீரர் மற்றும் வீராங்கனையை தேர்வு செய்து கவுரவித்து வருகிறது. அதன்படி டிசம்பர் மாதத்திற்கான சிறந்த வீரர் மற்றும் வீராங்கனையை தேர்வு செய்ய தலா 3 வீரர் மற்றும் வீராங்கனைகளை அடங்கிய பரிந்துரை பெயர் பட்டியலை ஐ.சி.சி அறிவித்துள்ளது.

இதில் சிறந்த வீரர் விருதுக்கான பரிந்துரை பெயர் பட்டியலில் இந்தியாவின் ஜஸ்ப்ரீத் பும்ரா, ஆஸ்திரேலியாவின் பேட் கம்மின்ஸ், தென் ஆப்பிரிக்காவின் டேன் பேட்டர்சன் ஆகியோர் இடம் பெற்றுள்ளனர்.

அதேபோல் டிசம்பர் மாதத்திற்கான சிறந்த வீராங்கனையை தேர்வு செய்ய வெளியிட்ட பரிந்துரை பெயர் பட்டியலில் இந்தியாவின் ஸ்மிருதி மந்தனா, தென் ஆப்பிரிக்காவின் நோன்குலுலேகோ ம்லாபா, ஆஸ்திரேலியாவின் அன்னபெல் சதர்லேண்ட் ஆகியோர் இடம் பெற்றுள்ளனர்.