மகத்தான வெற்றிக்கு தயாரான அமித்ஷா : 6 லட்சம் வாக்குகள் முன்னிலை

காந்தி நகர்,

மக்களவைத் தோ்தல் ஏழு கட்டங்களாக நடைபெற்று முடிந்த நிலையில், வாக்கு எண்ணிக்கை இன்று காலை 8 மணிக்குத் தொடங்கியது. தற்போது 542 மக்களவைத் தொகுதிகளில் பதிவான வாக்குகள் எண்ணப்பட்டு வருகின்றன.

இதில் எல்.கே.அத்வானி, வாஜ்பாய் வெற்றிபெற்ற தொகுதியான குஜராத் காந்தி நகரில் பா.ஜனதா சார்பில் களமிறங்கியுள்ள அமித்ஷா, 8 லட்சத்து 36 ஆயிரத்து 657 வாக்குகள் பெற்றுள்ளார்.

இதன்படி 6.36 லட்சம் வாக்குகள் வித்தியாசத்தில் பா.ஜனதா வேட்பாளர் அமித்ஷா தொடர்ந்து முன்னிலை வகித்து வருகிறார். அதேசமயம் காங்கிரஸ் சார்பில் போட்டியிடும் சோனல் படேல் 2,00,192 வாக்குகள் பெற்று பின்தங்கி உள்ளார்.