தமிழகத்தை மிரட்டும் புயல் சின்னம்

ராமநாதபுரம் மாவட்டம் மண்டபம் பகுதியில் கடல் சீற்றத்தால் மிதவை கப்பல் சேதம் அடைந்தது. பாம்பன் ரெயில் பாலத்திற்கான கட்டுமான பணிக்கு பயன்படுத்திய மிதவை கப்பல் சேதமடைந்துள்ளது. மண்டபம் பகுதியில் சுமார் 5 அடி உயரத்திற்கு கடல் எழும்புகிறது.

புயல் சின்னத்தின் வேகம் குறைந்தது - வானிலை ஆய்வு மையம் தகவல்

வங்கக்கடலில் நிலவும் ஆழ்ந்த காற்றழுத்த தாழ்வு மண்டலம் இன்று மாலை 5.30 மணிக்கு பெங்கல் புயலாக மாறும் என்று வானிலை ஆய்வு மையம் தகவல் தெரிவித்துள்ளது. தற்போது தென் கிழக்கு வங்கக்கடலில் உள்ள ஆழ்ந்த காற்றழுத்த தாழ்வு மண்டலம் நகரும் வேகம் 13 கி.மீ-ல் இருந்து 10 கி.மீ.ஆக குறைந்துள்ளது.

இன்று மாலை உருவாக உள்ள பெங்கல் புயல் நாகைக்கு தென்கிழக்கே 350 கி.மீ. தொலைவிலும், புதுச்சேரிக்கு தென்கிழக்கே 450 கி.மீ. தொலைவிலும், சென்னைக்கு தெற்கு - தென் கிழக்கே 530 கி.மீ. தொலைவிலும் மையம் கொண்டுள்ளதாக தகவல் தெரிவிக்கப்பட்டுள்ளது. 

எந்தெந்த மாவட்டங்களுக்கு ரெட் அலர்ட்: ஆரஞ்சு அலர்ட் - வெளியான தகவல்

4 மாவட்டங்களுக்கு ரெட் அலர்ட்

திருவாரூர்,

கடலூர்,

மயிலாடுதுறை,

நாகப்பட்டினம்.

6 மாவட்டங்களில் இன்று ஆரஞ்சு அலர்ட்

காஞ்சிபுரம்,

செங்கல்பட்டு,

விழுப்புரம்,

அரியலூர்,

தஞ்சை,

புதுக்கோட்டை.

இன்று 10 மாவட்டங்களில் கனமழை

சென்னை,

திருவள்ளூர்,

ராணிப்பேட்டை,

திருவண்ணாமலை,

திருச்சி,

கள்ளக்குறிச்சி,

பெரம்பலூர்,

சிவகங்கை,

ராமநாதபுரம்,

தூத்துக்குடி

4 மாவட்டங்களுக்கு நாளை ஆரஞ்சு அலர்ட்

காஞ்சிபுரம்,

செங்கல்பட்டு,

விழுப்புரம்,

கடலூர்

நாளை 12 மாவட்டங்களில் கனமழை

சென்னை,

திருவள்ளூர்,

ராணிபேட்டை,

கள்ளக்குறிச்சி,

பெரம்பலூர்,

அரியலூர்,

புதுக்கோட்டை,

திருவண்ணாமலை,

தஞ்சாவூர்,

திருவாரூர்,

நாகப்பட்டினம்,

மயிலாடுதுறை

நவம்பர் 29 மற்றும் 30ம் தேதி

சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை மாவட்டங்களில் மிக கனமழைக்கான ஆரஞ்சு அலர்ட் விடுக்கப்பட்டுள்ளது.

தமிழகத்தை நெருங்கும் புயல் சின்னம்

இந்திய வானிலை ஆய்வு மையம் வெளியிட்டுள்ள முன்னறிவிப்பு:

கடந்த 6 மணி நேரமாக மணிக்கு 10 கி.மீ. வேகத்தில் வடக்கு-வடமேற்கு நோக்கி நகர்ந்த ஆழ்ந்த காற்றழுத்த தாழ்வு மண்டலம், சென்னைக்கு தெற்கு-தென்கிழக்கில் 530 கி.மீ. தொலைவில் மையம்கொண்டுள்ளது.

திருகோணமலைக்கு கிழக்கே சுமார் 110 கி.மீ., நாகப்பட்டினத்திற்கு தென்கிழக்கில் 350 கி.மீ, புதுச்சேரிக்கு தென்கிழக்கே 450 கி.மீ. தொலைவில் உள்ளது.

இது தொடர்ந்து வடக்கு-வடமேற்கு திசையில் நகர்ந்து அடுத்த 6 மணி நேரத்தில் சூறாவளி புயலாக வலுவடைய வாய்ப்பு உள்ளது. அதன்பிறகு, தொடர்ந்து 2 நாட்களுக்கு வடக்கு-வடமேற்கு திசையில் தமிழக கடற்கரை பகுதிகளை நோக்கி நகர்ந்து பின்னர் இலங்கை கடற்கரையை நோக்கி நகரும்.

இவ்வாறு இந்திய வானிலை ஆய்வு மையம் தெரிவித்துள்ளது.

3.7 மீட்டர் வரை கடல் அலை எழும்:.. வானிலை மையம் எச்சரிக்கை

பெங்கல் புயல் காரணமாக கடலூர், காஞ்சிபுரம், காரைக்கால், புதுச்சேரி, நாகப்பட்டினம் வடக்கு, நாகப்பட்டினம் தெற்கு, விழுப்புரம் ஆகிய பகுதிகளில் கடல் அலைகள் 3.1 மீட்டர் முதல் 3.7 மீட்டர் வரை எழக்கூடும் என வானிலை மையம் எச்சரித்துள்ளது. எனவே, பொதுமக்கள் கடற்கரைகளுக்கு செல்வதை தவிர்க்க வேண்டும்.

கனமழை காரணமாக, மயிலாடுதுறையில் பழைய வீடு ஒன்று இடிந்து விழுந்தது. இதுதொடர்பான வீடியோ வெளியாகி உள்ளது.

மயிலாடுதுறையின் தரங்கம்பாடிக்கு தமிழக பேரிடர் மீட்பு படை வந்து சேர்ந்துள்ளது. பைபர் படகு, கயிறு, மண்வெட்டி உள்ளிட்ட மீட்பு கருவிகளுடன் 30 பேர் கொண்ட மீட்பு குழுவினர் வருகை தந்துள்ளனர். தரங்கம்பாடியில் தொடர்ந்து கனமழை பெய்து வருகிறது. இதனால், வெள்ளத்தில் சிக்கும் மக்கள் மற்றும் கால்நடைகளை மீட்பதற்கான பணிக்காக இந்த மீட்பு குழுவினர் அனுப்பி வைக்கப்படுவார்கள்.

சென்னை- பரங்கிப்பேட்டை இடையே புயல் கரையை கடக்க வாய்ப்பு - வெளியான தகவல்

சென்னையில் வரும் 29 மற்றும் 30-ம் தேதிகளில் கனமழைக்கு வாய்ப்புள்ளதாக தனியார் வானிலை ஆய்வாளர் பிரதீப் ஜான் தெரிவித்துள்ளார்

இதுதொடர்பாக அவர் வெளியிட்டுள்ள பதிவில் கூறியிருப்பதாவது:-

காற்றழுத்த தாழ்வு மண்டலம்/புயல் நவம்பர் 30ம் தேதிக்குள் பரங்கிப்பேட்டை, கடலூர் மற்றும் சென்னை இடையே கரையை கடக்கக்கூடும்.

வரும் 29 மற்றும் 30 ஆகிய தேதிகளில் சென்னை பகுதியில் கனமழை பெய்யும். சென்னைக்கு தெற்கே காற்றழுத்தம் நகர்ந்து வருவதால், சென்னையின் நீர்ப்பிடிப்புக்கு ஏற்ற மழையாக இது அமையும்.

சென்னையில் இன்று லேசானது முதல் மிதமான மழைக்கு வாய்ப்புள்ளது. 

நாளை (28-ம் தேதி) - சென்னையில் நாளை மிதமான மழைக்கு வாய்ப்புள்ளது. 

நாளை மறுநாள் (29-ம் தேதி) சென்னையில் கனமழைக்கு வாய்ப்புள்ளது. 

30-ம் தேதி - சென்னையில் மிக கனமழை முதல் அதி கனமழைக்கு வாய்ப்புள்ளது. 

நவம்பர் 1ம் தேதி - சென்னையில் மிதமான மழைக்கு வாய்ப்புள்ளது. 

நவம்பர் 2ம் தேதி - சென்னையில் மிதமான மழைக்கு வாய்ப்புள்ளது. 

காற்றழுத்த தாழ்வு நிலை / புயல் கரையை கடந்த பிறகு, ராணிப்பேட்டை, வேலூர், திருவண்ணாமலை, திருப்பத்தூர், கிருஷ்ணகிரி மற்றும் கொங்கு மண்டலம் உள்ளிட்ட உள் மாவட்டங்கள் மழையை அனுபவிக்க முடியும்.

இவ்வாறு அதில் தெரிவிக்கப்பட்டுள்ளது. 

திருவாரூர் மாவட்டம் நன்னிலத்தில் தொடர்கனமழையால் வாய்க்கால் உடைந்து ஆலங்குடி, குளக்குடி உள்ளிட்ட கிராமங்களில் உள்ள வயல்களில் தன்ணீர் புகுந்தது. கொட்டும் மழையில் மணல் மூட்டைகளை கொண்டு விவசாயிகளே உடைப்பு ஏற்பட்ட பகுதியை சரிசெய்து வருகின்றனர். தொடர் கனமழையால் வாய்க்காலில் உடைப்பு ஏற்பட்டுள்ளது.

விழுப்புரம் மாவட்டம் மரக்காணம் அருகே 6 கிராமங்களுக்கு செல்லும் தரைப்பாலம் நீரில் மூழ்கியது. ஓங்கூர் ஆற்றில் வெள்ளப்பெருக்கால் தரைப்பாலம் நீரில் மூழ்கி போக்குவரத்து பாதிக்கப்பட்டுள்ளது. இதனால் பொதுமக்கள் அவதி அடைந்துள்ளனர்.