இன்றைய முக்கிய செய்திகள் சில வரிகளில்.. 17-02-2025
உள்ளூர் முதல் உலகம் வரை இன்று நடைபெறும் முக்கிய நிகழ்வுகளை உடனுக்கு உடன் இங்கே தெரிந்து கொள்ளலாம்.;
அதிமுக மாவட்ட பொறுப்பாளர்கள் பட்டியல் வெளியிடப்பட்டு உள்ளது. இதில் அக்கட்சியின் மூத்த தலைவர் செங்கோட்டையன் பெயர் இடம்பெறவில்லை. செங்கோட்டையனுக்கு வேறு முக்கிய பொறுப்பு வழங்கப்படலாம் என அதிமுக வட்டாரங்கள் தெரிவித்துள்ளன.
மயிலாடுதுறையில் சாராய வியாபாரிகளால் 2 இளைஞர்கள் படுகொலை செய்யப்பட்டது தொடர்பாக பெரம்பலூர் காவல் ஆய்வாளர் பணியிட மாற்றம் செய்யப்பட்டுள்ளார். பெரம்பூர் காவல் ஆய்வாளராக பணியாற்றி வந்த நாகவள்ளி காத்திருப்போர் பட்டியலுக்கு மாற்றம் செய்யப்பட்டுள்ளார்.
எனது தாய்மொழியை ஊக்குவிக்கும் தேசிய கல்வி கொள்கையை நான் எதற்காக எதிர்க்க வேண்டும்? என மத்திய இணை மந்திரி எல். முருகன் கேட்டுள்ளார்.
கல்லூரி நிகழ்ச்சியொன்றில் பங்கேற்றபோது, மாணவர்களின் கேள்விக்கு பதிலளித்த நடிகர் விஜய் சேதுபதி, நான் ஒருவேளை பேராசிரியராக இருந்திருந்தால், மாணவர்களுக்கு புரியும்படி பாடமெடுத்திருப்பேன் என நகைச்சுவையாக கூறினார்.
திருப்பரங்குன்றம் மலை மீது மத்திய இணை மந்திரி எல். முருகன் சென்றபோது, அவருடன் நிறைய பேர் சென்றனர். இதனால், அவரை போலீசார் தடுத்து நிறுத்தினர். இதன் தொடர்ச்சியாக பரபரப்பு ஏற்பட்டது. பேச்சுவார்த்தைக்கு பின்னர், மந்திரி எல். முருகனுடன் 5 பேர் மட்டும் செல்ல அனுமதி அளிக்கப்பட்டது.