ராமநாதபுரம்: சாலை பக்கவாட்டு சுவரில் கார் மோதி விபத்து - 3 பேர் பலி

ராமநாதபுரம்,

திருப்பூர் மாவட்டம் பல்லடம் பகுதியைச் சேர்ந்த சண்முகநாதன், மாலை அணிந்து தனது நண்பர்களுடன் சபரிமலைக்கு சென்றுள்ளார். பின்னர் அனைவரும் ராமேசுவரம் கோயிலில் சுவாமி தரிசனம் செய்துவிட்டு, அங்கேயே மாலை கழற்றியுள்ளனர். இதனை தொடர்ந்து, 4 பேரும் பல்லடத்திற்கு காரில் புறப்பட்டு சென்றனர்.

ராமேசுவரம் - மதுரை தேசிய நெடுஞ்சாலையில் ராமநாதபுரம் அருகே காவனூர் பகுதியில் சென்றபோது திடீரென கார் கட்டுப்பாட்டை இழந்து சாலையோரம் இருந்த பால தடுப்பு சுவர் மீது அதிவேகமாக மோதியது. இந்த விபத்தில் சண்முகநாதன் சம்பவ இடத்திலேயே பரிதாபமாக உயிரிழந்தார். படுகாயமடைந்த 3 பேரும் மீட்கப்பட்டு ராமநாதபுரம் மருத்துவக்கல்லூரி மருத்துவமனையில் சிகிச்சைக்காக அனுமதிக்கப்பட்டனர்.

அங்கு சிகிச்சை பலன் இன்றி இருவர் உயிரிழந்தனர். இதனால் பலி எண்ணிக்கை 3 ஆக உயர்ந்துள்ளது. தொடர்ந்து ஒருவருக்கு சிகிச்சை அளிக்கப்பட்டு வருகிறது. இந்த விபத்து குறித்து போலீசார் வழக்குப்பதிந்து விசாரித்து வருகின்றனர்.