அஸ்வினுக்கு முதல்-அமைச்சர் மு.க. ஸ்டாலின் வாழ்த்து

சென்னை,

சர்வதேச கிரிக்கெட்டில் இருந்து ரவிச்சந்திரன் அஸ்வின் ஓய்வு பெறுவதாக அறிவித்துள்ளார்.அஸ்வின் இந்திய அணிக்காக கடந்த 2010ம் ஆண்டு அறிமுகம் ஆனார். இவர் இதுவரை 106 டெஸ்ட், 116 ஒருநாள், 65 டி20 போட்டிகளில் ஆடி உள்ளார். இவர் சர்வதேச கிரிக்கெட்டில் ஒட்டு மொத்தமாக 765 விக்கெட்டுகள் வீழ்த்தி உள்ளார். ஓய்வு பெற்ற அஸ்வினுக்கு பல்வேறு தரப்பினரும் தங்களது வாழ்த்துகளையும், பாராட்டுகளையும் தெரிவித்து வருகின்றனர்.

இந்த நிலையில், அஸ்வினுக்கு முதல்-அமைச்சர் மு.க. ஸ்டாலின் வாழ்த்து தெரிவித்துள்ளார். இது தொடர்பாக அவர் வெளியிட்டுள்ள எக்ஸ் தள பதிவில்,

நன்றி அஸ்வின். உங்கள் நம்பமுடியாத வாழ்க்கை கிரிக்கெட் ரசிகர்களுக்கு எண்ணற்ற தருணங்களை அளித்துள்ளது . எல்லைகளைத் தாண்டி பல லட்சம் பேர்களை பெரிய கனவு காண தூண்டியது.. உங்கள் புதிய வாழ்க்கையில் நீங்கள் மகத்தான வெற்றியைப் பெற வாழ்த்துகிறேன், ஒவ்வொரு முயற்சியிலும் புத்திசாலித்தனத்தை வழங்குங்கள். என தெரிவித்துள்ளார் .