ஜிப்மரில் நர்சிங் படிப்புக்கு விண்ணப்பங்கள் வரவேற்பு

புதுச்சேரி

 புதுவை ஜிப்மர் மருத்துவ கல்லூரியில் பி.எஸ்சி., நர்சிங்( 94-இடங்கள்), பி.எஸ்சி. அலைடு சயின்ஸ் (87) ஆகிய படிப்புகளுக்கு மொத்தம் 181 இடங்கள் உள்ளன. இந்த இடங்களுக்கான மாணவர் சேர்க்கை 'நீட்' தேர்வு அடிப்படையில் நிரப்பப்படும். அதன்படி நடப்பு கல்வியாண்டுக்கான மாணவர் சேர்க்கைக்கு www.jipmer.edu.in என்ற ஜிப்மர் இணையதளத்தில் விண்ணப்பங்கள் வரவேற்கப்படுகிறது.

விண்ணப்பங்களை வருகிற 5-ந் தேதி மாலை 5 மணிக்குள் சமர்ப்பிக்கவேண்டும். நீட் தேர்வில் தகுதி பெற்ற மாணவர்கள் மட்டுமே ஜிப்மர் இணையதளத்தில் விண்ணப்பிக்க வேண்டும்.

தகுதியான மாணவர்களின் பட்டியல் வருகிற 16-ந் தேதி அல்லது அதற்கு முன்னதாகவோ வெளியிடப்பட்டு கலந்தாய்வு நடத்தப்படும். அக்டோபர் 4-ந் தேதியில் இருந்து வகுப்புகள் தொடங்கப்படும் என ஜிப்மர் நிர்வாகம் தெரிவித்துள்ளது.