'காதலிக்க நேரமில்லை' படத்தின் முதல் பாடல் வெளியானது

சென்னை,

'பிரதர்' படத்தை தொடர்ந்து ஜெயம்ரவி நடிப்பில் வெளியாக உள்ள படம் 'காதலிக்க நேரமில்லை'. இதில், நித்யா மேனன், யோகி பாபு, லால், வினய், லட்சுமி கிருஷ்ணன் ஆகியோர் முக்கிய கதாபாத்திரங்களில் நடித்துள்ளனர். "வணக்கம் சென்னை" திரைப்படத்தின் மூலம் இயக்குனராக அறிமுகமான கிருத்திகா உதயநிதி இப்படத்தை இயக்கி உள்ளார்.

ஏ.ஆர்.ரகுமான் இசை அமைத்திருக்கும் இப்படத்தை ரெட் ஜெயண்ட் மூவிஸ் நிறுவனம் தயாரித்துள்ளது. ரொமான்டிக் காதல் கதைக்களத்தில் உருவாகி இருக்கும் இத்திரைப்படம் அடுத்த மாதம் 20-ந் தேதி வெளியாக உள்ளதாக கூறப்படுகிறது. விரைவில் இப்படத்தின் இசை வெளியீட்டு விழா குறித்த தகவல் வெளியாகும் என்று எதிர்பார்க்கப்படுகிறது.

இந்தநிலையில், 'காதலிக்க நேரமில்லை' படத்தின் முதல் பாடல் வெளியாகியுள்ளது. 'என்னை இழுக்காதடி' என்ற பாடல் வெளியாகியுள்ளது.  இந்த பாடலை விவேக் எழுதி இருக்கும் நிலையில் ஏ ஆர் ரகுமான் மற்றும் தீ ஆகியோர் இணைந்து பாடலை பாடியுள்ளனர் என்பது குறிப்பிடத்தக்கது