அமெரிக்க ஓபன் டென்னிஸ்: சபலென்கா காலிறுதிக்கு முன்னேற்றம்

நியூயார்க்

ஆண்டின் கடைசி 'கிராண்ட்ஸ்லாம்' ஆன அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது. இதில் இன்று காலை நடைபெற்ற பெண்கள் ஒற்றையர் பிரிவின் 4-வது சுற்று ஆட்டம் ஒன்றில் முன்னணி வீராங்கனையான சபலென்கா (பெலாரஸ்), எலிஸ் மெர்டென்ஸ் (பெல்ஜியம்) உடன் மோதினார்.

இதில் ஆதிக்கம் செலுத்திய சபலென்கா 6-2 மற்றும் 6-4 என்ற நேர் செட் கணக்கில் எளிதில் வெற்றி பெற்று காலிறுதி சுற்றுக்கு முன்னேறியுள்ளார்.

இவர் காலிறுதியில் கின்வென் ஜெங் உடன் பலப்பரீட்சை நடத்த உள்ளார்.