பிரெஞ்சு ஓபன் டென்னிஸ்: ஆஸ்திரேலிய வீரர் ஜோர்டன் தாம்சனை வீழ்த்தி ரபேல் நடால் 2-வது சுற்றுக்கு தகுதி

பாரிஸ்,

பிரெஞ்சு ஓபன் டென்னிஸ் தொடர் பிரான்ஸ் தலைநகர் பாரீசில் நேற்று தொடங்கியது.

இன்று நடைபெற்ற ஆண்கள் ஒற்றையர் பிரிவு போட்டியில், முதல் சுற்றில் முன்னணி வீரரான ரபேல் நடால் ஆஸ்திரேலிய வீரர் ஜோர்டன் தாம்சனை 6-2, 6-2, 6-2 என்ற நேர் செட் கணக்கில் வீழ்த்தினார். இதன்மூலம் அடுத்த சுற்றுக்கு முன்னேறினார்.

ஸ்பெயினை சேர்ந்த ரபேல் நடால் 2-வது சுற்றில் பிரான்ஸின் கொரன்டின் மவுடெட்டை எதிர்கொள்ள உள்ளார்.

முன்னதாக, நேற்று நடைபெற்ற ஆண்கள் ஒற்றையர் பிரிவின் முதல் சுற்றில் முன்னணி வீரரான டோமினிக் திம் (ஆஸ்திரியா) அதிர்ச்சி தோல்வி அடைந்து தொடரில் இருந்து வெளியேறினார்.