ஒடிசாவில் இருந்து கஞ்சா கடத்தி வந்தவர் கைது

வாணியம்பாடி

ஒடிசாவில் இருந்து கஞ்சா கடத்தி வந்தவர் கைது செய்யப்பட்டார்.

திருப்பத்தூர் மாவட்ட போலீஸ் சூப்பிரண்டு ஆல்பர்ட் ஜான் உத்தரவின் பேரில் வாணியம்பாடி மதுவிலக்கு அமல் பிரிவு இன்ஸ்பெக்டர் ஜெயலட்சுமி தலைமையிலான போலீசார் மற்றும் மத்திய புலனாய்வு பிரிவு குழுவினர் இணைந்து ஆம்பூர் தற்காலிக பஸ் நிலைய பகுதியில் ரோந்து பணியில் ஈடுபட்டிருந்தனர்.

அப்போது சந்தேகத்துக்கு இடமான வகையில் நபர் ஒருவர் பையுடன் சுற்றித்திரிந்துள்ளார். அதனை கண்காணித்த குழுவினர் அவரைப் பிடித்து விசாரணை செய்ததில் அவர் ஒரிசா மாநிலத்தை சேர்ந்த பிரசாத்மாஜி (வயது 37) என்பதும், அம்மாநிலத்தில் இருந்து ஈரோடு மற்றும் திருப்பத்தூர் மாவட்டத்திற்கு கஞ்சா கடத்தி வந்ததும் தெரிய வந்தது.

அவரை கைது செய்த போலீசார் 7 கிலோ கஞ்சாவை பறிமுதல் செய்து விசாரணை மேற்கொண்டு வருகின்றனர்.