ஐரோப்பிய கால்பந்து சாம்பியன்ஷிப்: துருக்கி அணியை வீழ்த்தி போர்ச்சுகல் வெற்றி

முனிச்,

17-வது ஐரோப்பிய கால்பந்து சாம்பியன்ஷிப் (யூரோ) போட்டி ஜெர்மனியில் நடந்து வருகிறது. இதில் பங்கேற்றுள்ள 24 அணிகள் 6 பிரிவாக பிரிக்கப்பட்டுள்ளன. ஒவ்வொரு அணியும், தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும்.லீக் சுற்று முடிவில் ஒவ்வொரு பிரிவிலும் முதல் இரு இடங்களை பிடிக்கும் அணிகள், 3-வது இடத்தை பெறும் சிறந்த 4 அணிகள் என்று மொத்தம் 16 அணிகள் 'நாக்-அவுட்' சுற்றுக்கு தகுதி பெறும்.

இந்நிலையில் இந்த தொடரில் நேற்று இரவு நடைபெற்ற ஆட்டத்தில் துருக்கி - போர்ச்சுகல் அணிகள் மோதின.பரபரப்பான இந்த ஆட்டத்தில் தொடக்கம் முதல் போர்ச்சுகல் அணி ஆதிக்கம் செலுத்தியது. இதனால் ஆட்ட நேர முடிவில் 3-0 என்ற கணக்கில் போர்ச்சுகல் வெற்றி பெற்றது.