#லைவ் அப்டேட்ஸ்: கிழக்கு உக்ரைனில் பொதுமக்கள் தஞ்சம் அடைந்துள்ள ரசாயன ஆலை மீது குண்டு வீச்சு

சீவிரோடோனெட்ஸ்க்,

ரஷியப் படைகள் கிழக்கு உக்ரேனிய நகரமான சீவிரோடோனெட்ஸ்க் நகருக்குள் நுழைந்து நூற்றுக்கணக்கான பொதுமக்கள் தஞ்சமடைந்திருந்த ஒரு பகுதியை தாக்கியதாக உக்ரேன் அதிகாரி ஒருவர் தெரிவித்து உள்ளார்.

சீவிரோடோனெட்ஸ்கிலிருந்து வெளியேறும் கடைசி பாலம் அழிக்கப்பட்டதாகவும், அங்குள்ள உக்ரேனிய படைகள் இப்போது சரணடைய வேண்டும் அல்லது இறக்க நேரிடும் எனவும் ரஷிய ஆதரவு பிரிவினைவாதிகள் தெரிவித்துள்ளனர். இருப்பினும் அங்கு இருந்து வெளியேற வேறு வழி இருப்பதாக உக்ரைன் தரப்பில் தெரிவிக்கப்பட்டுள்ளது.

உக்ரைன் மீதான ரஷியாவின் போரின் எச்சங்கள் - கீவ் கண்காட்சியில் வைக்கப்பட்டுள்ளதாக தகவல்

நாட்டில் நடைபெற்று வரும் போரின் உபகரணங்களை காட்சிப்படுத்தும் கண்காட்சி ஒன்று உக்ரைன் தலைநகர் கீவில் திறக்கப்பட்டுள்ளது.

ரஷியாவிடம் இருந்து கைப்பற்றப்பட்ட வாகனங்கள் மற்றும் சேகரிக்கப்பட்ட ஏவுகணைகளின் எச்சங்கள், ரஷிய ராணுவம் பயன்படுத்திய மற்றும் விட்டுச் சென்ற செருப்புகள், டூத் பிரஸ்கள் மற்றும் பர்னர் போன்கள் வரை, இரண்டாம் உலகப் போரில் உக்ரைனின் தேசிய வரலாற்று அருங்காட்சியகத்தில் காட்சிக்கு வைக்கப்பட்டுள்ளன.

உக்ரேனிய ஆற்றின் மீது பாலத்தை ரஷியா தகர்த்தது, தப்பிக்கும் பாதையையும் துண்டித்தது

உக்ரேனிய நகரமான செவெரோடோனெட்ஸ்க் நகரை ஆற்றின் குறுக்கே உள்ள மற்றொரு நகரத்துடன் இணைக்கும் பாலத்தை ரஷியப் படைகள் தகர்த்து, பொதுமக்களை வெளியேற்றுவதற்கான சாத்தியமான வழியைத் துண்டித்துள்ளதாக உள்ளூர் அதிகாரிகள் தெரிவித்தனர்.

ரஷியப் படைகள் நகரின் பெரும்பகுதியைக் கைப்பற்றியுள்ளன, ஆனால் ஒரு தொழில்துறை பகுதி மற்றும் நூற்றுக்கணக்கான பொதுமக்கள் தங்குமிடமாக இருக்கும் அசோட் இரசாயன ஆலை ஆகியவை உக்ரேனிய ராணுவத்தின் கட்டுப்பாட்டில் உள்ளன.

ஆனால் ரஷியர்கள் சிவர்ஸ்கி டோனெட்ஸ் ஆற்றின் மீது ஒரு பாலத்தை அழித்துள்ளனர், இது செவெரோடோனெட்ஸ்கை அதன் இரட்டை நகரமான லிசிசான்ஸ்க் உடன் இணைக்கிறது என்று லுஹான்ஸ்க் கவர்னர் செர்ஹி கெய்டாய் தெரிவித்துள்ளார்.

இந்த மாதம் ரஷிய போரில் பலியானோர் எண்ணிக்கை 40,000 ஆக இருக்கலாம்: உக்ரைன் அதிபர்

உக்ரைன் ஜனாதிபதி வோலோடிமிர் ஜெலென்ஸ்கி, ஜூன் மாதத்தில் ரஷிய இறப்புகள் 40,000 ஐ கடக்கக்கூடும் என்று கூறினார்.

ரஷிய படையெடுப்பு தொடங்கியதில் இருந்து 109வது தினமான நேற்று நாட்டு மக்களிடம் உரையாற்றிய ஜெலென்ஸ்கி, மேற்கில் இருந்து மேம்பட்ட வான் பாதுகாப்பு அமைப்புகளுக்கான அழைப்பு விடுத்தார்.

உக்ரைன் நாட்டின் மீது ரஷியா தொடுத்து வரும் போர் 100 நாட்களை கடந்தும் முடிவில்லாமல் நீண்டு வருகிறது. தலைநகர் கீவை கைப்பற்றும் திட்டம் நிறைவேறாமல் போன நிலையில் கிழக்கு உக்ரைனில் உள்ள டான்பாஸ் பிராந்தியத்தை கைப்பற்ற ரஷிய படைகள் மும்முரம் காட்டி வருகின்றன.

அந்த வகையில் உக்ரைனின் உற்பத்தி மையமாக திகழும் தொழில் நகரமான செவிரோடொனெட்ஸ்க் நகரின் பெரும்பாலான பகுதிகளை ரஷிய படைகள் ஆக்கிரமித்துவிட்டன. இருப்பினும் அங்குள்ள மிகப்பெரிய ரசாயன ஆலை உக்ரைன் படை வீரர்களின் கட்டுப்பாட்டில் உள்ளது. அந்த ஆலையில் ஏராளமான பொதுமக்கள் தஞ்சம் அடைந்துள்ளனர்.

இந்த நிலையில் அந்த ஆலையை கைப்பற்ற ரஷிய படைகள் கடுமையாக சண்டையிட்டு வருகின்றன. நேற்று அந்த ஆலையின் மீது ரஷிய படைகள் தொடர்ச்சியாக பீரங்கி குண்டுகளை வீசி தாக்குதல் நடத்தின. இதில் ஆலையில் பெரிய அளவில் தீப்பற்றியதாக அதிகாரிகள் தெரிவித்தனர். எனினும் இந்த தாக்குதலில் உயிர் சேதம் ஏதும் ஏற்பட்டதா என்பதை அதிகாரிகள் தெரிவிக்கவில்லை.

இதனிடையே வீடியோ வாயிலாக நாட்டு மக்களுக்கு உரையாற்றிய ஜெலன்ஸ்கி, கிழக்கு உக்ரைனை கைப்பற்ற முயலும் ரஷிய படைகளை உக்ரைன் வீரர்கள் துணிச்சலுடன் எதிர்கொண்டு தடுத்து வருவதாகவும், இதன் மூலம் ரஷிய படைகளின் எதிர்பார்ப்பை உக்ரைன் வீரர்கள் முறியடித்துள்ளதாகவும் பெருமிதம் தெரிவித்தார்.