தூக்குப்போட்டு வாலிபர் தற்கொலை

வேதாரண்யம்:

வேதாரண்யத்தை அடுத்த கடிநெல்வயல் கிராமத்தைச் சேர்ந்தவர் சதாசிவம். இவருடைய மகன் மாதவன்(வயது22). கடந்த 2 மாதங்களுக்கு முன்பு சதாசிவத்தை அதே ஊரை சேர்ந்த ஒருவர் வெட்டிக்கொலை செய்தார். தந்தை இறந்ததில் இருந்து அவரது புகைப்படத்தை பார்த்து கொண்டே மனநிலை பாதிக்கப்பட்ட நிலையில் மாதவன் இருந்து வந்ததாக கூறப்படுகிறது. இந்த நிலையில் சம்பவத்தன்று இரவு வீட்டில் மாதவன் தூக்குப்போட்டு கொண்டார்.ஆபத்தான நிலையில் இருந்த அவரை உறவினர்கள் மீட்டு சிகிச்சைக்காக வேதாரண்யம் அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர்கள், ஏற்கனவே மாதவன் உயிரிழந்து விட்டதாக தெரிவித்தனர்.இதுகுறித்த புகாரின் பேரில் வேதாரண்யம் போலீஸ் சப்-இன்ஸ்பெக்டா் கலியபெருமாள் மற்றும் போலீசார் வழக்குப்பதிவு செய்து விசாரணை நடத்தி வருகின்றனர்.