முன்விரோத தகராறில் வாலிபர் கைது

ரிஷிவந்தியம்

ரிஷிவந்தியம் அடுத்த பாசார் கிராமத்தை சேர்ந்தவர் முருவன் மகன் தண்டபாணி(வயது 38). இவருக்கும், இவரது அண்ணன் கந்தசாமி(40) என்பவருக்கும் இடையே முன்விரோதம் இருந்து வந்தது. இதில் சம்பவத்தன்று இருவருக்கும் பொதுவான வயலில் உள்ள தென்னை மரத்தில் தண்டபாணி தேங்காய் பறித்து வந்ததாக கூறப்படுகிறது. இதனால் ஆத்திரம் அடைந்த கந்தசாமி, இவரது மனைவி முனியம்மாள், மகன் ஏழுமலை(21) மற்றும் காசியாணி ஆகியோர் தண்டபாணியின் வீட்டு மின் இணைப்பை துண்டித்து அவரை ஆபாச வார்த்தைகளால் திட்டி தாக்கி கொலை மிரட்டல் விடுத்ததாக தெரிகிறது. இது குறித்த புகாரின் பேரில் கந்தசாமி உள்பட 4 பேர் மீது ரிஷிவந்தியம் போலீசார் வழக்குப்பதிவு செய்து ஏழுமலையை (21) கைது செய்து விசாரணை நடத்தி வருகிறார்கள்.