வேடசந்தூர் அருகே ஆம்னி வேன் கவிழ்ந்து வாலிபர் படுகாயம்

வேடசந்தூர் அருகே உள்ள கூம்பூரை சேர்ந்தவர் சூர்யா (வயது 21). இவர் நேற்று மதியம் ஆம்னி வேனில் வேடசந்தூரில் இருந்து திண்டுக்கல் நோக்கி சென்று கொண்டிருந்தார். வேடசந்தூர் அருகே நாகம்பட்டி பிரிவு பகுதியில் அவர் வந்தபோது, கட்டுப்பாட்டை இழந்த வேன் தாறுமாறாக ஓடி சாலையோரம் கவிழ்ந்தது.

இந்த விபத்தில் ஆம்னி வேனை ஓட்டி வந்த சூர்யா படுகாயம் அடைந்தார். இதையடுத்து அவரை அக்கம்பக்கத்தினர் மீட்டு சிகிச்சைக்காக வேடசந்தூர் அரசு மருத்துவமனைக்கு அனுப்பி வைத்தனர். அங்கு முதலுதவி சிகிச்சைக்கு பிறகு சூர்யா, திண்டுக்கல் அரசு மருத்துவமனையில் அனுமதிக்கப்பட்டார். இதுகுறித்து வேடசந்தூர் போலீஸ் இன்ஸ்பெக்டர் பாலமுருகன் வழக்குப்பதிவு செய்து விசாரணை நடத்தி வருகிறார்.