நாமக்கல் மாவட்ட கலெக்டர் உமா வெளியிட்டுள்ள செய்திக்குறிப்பில் கூறியிருப்பதாவது-
இந்திய ராணுவத்தில் சேர அக்னிவீர்வாயு தேர்வு நடத்தப்படுகிறது. இதில் கலந்து கொள்வதற்கு இணையதளம் வாயிலாக ஆன்லைனில் விண்ணப்பிக்க நாளை (வியாழக்கிழமை) கடைசி தேதி ஆகும். வருகிற அக்டோபர் மாதம் 13-ந் தேதி முதல் இத்தேர்வு நடைபெறும். பிறந்ததேதி 27.12.2006-க்குள் இருக்க வேண்டும். திருமணமாகாத ஆண், பெண்ணாக இருத்தல் வேண்டும்.
பிளஸ்-2 கணிதம், இயற்பியல், ஆங்கிலம் பாடப்பிரிவை சேர்ந்தவர்கள் மற்றும் டிப்ளமோ படித்தவர்கள் விண்ணப்பிக்கலாம். இத்தேர்விற்கான பாடத்திட்டம் மற்றும் மாதிரி தாள்கள் https://agnipathvayu.cdac.in என்ற இணையதளத்தில் பதிவேற்றம் செய்யப்பட்டு உள்ளது..
மேலும், இத்தேர்வு குறித்த விவரங்களை நாமக்கல் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை அலுவலக வேலைநாட்களில் நேரில் அணுகி அறிந்து கொள்ளலாம். நாமக்கல் மாவட்டத்தை சார்ந்த தகுதி வாய்ந்த வேலைவாய்ப்பற்ற இளைஞர்கள் இத்தேர்வில் பங்குபெற்று பயன் அடையலாம்.
இவ்வாறு அதில் கூறப்பட்டு உள்ளது.