பஸ் மோதி தொழிலாளி பலி

நத்தம் அருகே உள்ள மூங்கில்பட்டியை சேர்ந்தவர் சதீஷ் (வயது 40). கூலித்தொழிலாளி. நேற்று முன்தினம் இவர், சொந்த வேலையாக உலுப்பகுடிக்கு சென்றார். அங்குள்ள தி்ண்டுக்கல்-நத்தம் சாலையை அவர் கடக்க முயன்றார். அப்போது திண்டுக்கல்லில் இருந்து வந்த தனியார் பஸ் சதீஷ் மீது மோதியது. இதில் படுகாயமடைந்த அவரை அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து நத்தம் போலீசார் வழக்குப்பதிவு செய்து விசாரணை நடத்தி வருகின்றனர்.