மின்னல் தாக்கி தொழிலாளி சாவு

விருதுநகர் அருகே உள்ள கடம்பன்குளத்தை சேர்ந்தவர் முருகன் (வயது 48). ஆடு மேய்க்கும் தொழில் செய்து வரும் இவர் சம்பவத்தன்று ஆடு மேய்க்க சென்றவர் வீடு திரும்பவில்லை. குடும்பத்தினர் தேடிச் சென்ற போது இவர் மெட்டுக்குண்டு அருகே காட்டுப்பகுதியில் இறந்து கிடந்தார். மின்னல் தாக்கியதால் அவர் இறந்திருக்கலாம் என கூறப்படுகிறது. இதுபற்றி அவரது மகன் கனகவேல் கொடுத்த புகாரின் பேரில் சூலக்கரை போலீசார் வழக்குப்பதிவு செய்து விசாரணை மேற்கொண்டுள்ளனர்.