லாரி மோதி பெண் பலி

ஓசூர்:-

ஓசூர் தொரப்பள்ளி அக்ரஹாரத்தை சேர்ந்தவர் சீனிவாச ஆச்சாரி (வயது 34). சம்பவத்தன்று இவர், தன்னுடைய தாய் லட்சுமம்மா (67) என்பவருடன் தொரப்பள்ளி அருகே ஒன்னல்வாடி - பேரண்டப்பள்ளி சாலையில் சென்றபோது பின்னால் வேகமாக வந்த லாரி ஒன்று மோட்டார் சைக்கிள் மீது மோதி விட்டு நிற்காமல் சென்றதாக தெரிகிறது. இதில் படுகாயமடைந்த லட்சுமம்மா சம்பவ இடத்திலேயே இறந்தார். சீனிவாச ஆச்சாரியும் படுகாயம் அடைந்தார். அவரை அருகில் இருந்தவர்கள் மீட்டு சிகிச்சைக்காக ஓசூர் அரசு ஆஸ்பத்திரிக்கு அனுப்பி வைத்தனர். விபத்து குறித்து தகவல் அறிந்த ஓசூர் டவுன் போலீசார் சம்பவ இடத்திற்கு சென்று விபத்தில் பலியான லட்சுமம்மாவின் உடலை மீட்டு பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர். விபத்து குறித்து ஓசூர் போலீசார் வழக்குப்பதிவு செய்தனர். மகன் கண்முன்னே பெண் பலியான சம்பவம் அந்த பகுதியில் சோகத்தை ஏற்படுத்தியது.