கார் மோதி பெண் பலி

வடலூர், 

புவனகிரி அருகே பின்னலூர் கிராமத்தை சேர்ந்தவர் குணசேகரன். இவரது மனைவி தமிழரசி (வயது 53). இவர் வடலூர் மாதா கோவில் அருகே உள்ள வடலூர்-சேத்தியாத்தோப்பு சாலையில் நடந்து சென்று கொண்டிருந்தார். அப்போது அந்த வழியாக வந்த கார் அவர் மீது மோதியது. இந்த விபத்தில் பலத்த காயமடைந்த அவர் சிகிச்சைக்காக குறிஞ்சிப்பாடி அரசு மருத்துவமனையில் அனுமதிக்கப்பட்டார். பின்னர் மேல்சிகிச்சைக்காக கடலூர் அரசு மருத்துவமனையில் சேர்க்கப்பட்டார். அங்கு டாக்டர்கள் தீவிர சிகிச்சை அளித்தும் பலனின்றி தமிழரசி இறந்தார். இது குறித்த புகாரின் பேரில் வடலூர் போலீசார் வழக்குப்பதிவு செய்து விசாரணை நடத்தி வருகின்றனர்.