பஸ்சில் ஏற முயன்றபோது தவறி விழுந்து சக்கரத்தில் சிக்கி தொழிலாளி பலி

செய்யாறு

செய்யாறு அருகே மாளிகைப்பட்டு கிராமத்தைச் சேர்ந்தவர் சவுந்தரபாண்டியன் (வயது 53), தொழிலாளி. இவர் செய்யாறு பஸ் நிலையத்தில் சென்னை செல்லும் பஸ்சில் ஏற முயன்றார்.

அப்போது திடீரென டிரைவர் பஸ்சை எடுத்ததால் பஸ்சில் இருந்து சவுந்தரபாண்டியன் தவறி கீழே விழுந்தார். இதில் பஸ்சின் பின்சக்கரத்தில் சிக்கி அவர் சம்பவ இடத்திலேயே பரிதாபமாக இறந்தார்.

தகவல் அறிந்த போலீசார் அங்கு சென்று சவுந்தரபாண்டியன் உடலை மீட்டு பிரேத பரிசோதனைக்காக செய்யாறு அரசு மாவட்ட தலைமை மருத்துவமனைக்கு அனுப்பி வைத்தனர்.

மேலும் இதுகுறித்து அவரது மனைவி காமாட்சி கொடுத்த புகாரின் பேரில் செய்யாறு போலீஸ் இன்ஸ்பெக்டர் பாலு வழக்குப்பதிவு செய்து விசாரணை நடத்தி வருகிறார்.