மனுநீதி நாள் முகாமில் 57 பயனாளிகளுக்கு நலத்திட்ட உதவி

ஆம்பூர் அடுத்த மிட்டாளம் ஊராட்சியில் சிறப்பு மனுநீதி நாள் முகாம் வருவாய் கோட்டாட்சியர் பிரேமலதா தலைமையில் நடைபெற்றது. நிகழ்ச்சியில் சிறப்பு அழைப்பாளராக ஆம்பூர் எம்.எல்.ஏ. வில்வநாதன், மாதனூர் ஒன்றியக் குழு தலைவர் சுரேஷ்குமார் ஆகியோர் கலந்து கொண்டு 57 பயனாளிகளுக்கு 2 லட்சத்து 88 ஆயிரம் மதிப்பீட்டில் நலத்திட்ட உதவிகளை வழங்கினார்கள்.

மாதனூர் ஒன்றியக் குழு துணைத் தலைவர் சாந்திசீனிவாசன், மண்டல துணை தாசில்தார் குமரவேலு, ஆம்பூர் தாசில்தார் மகாலட்சுமி, ஊராட்சி மன்ற தலைவர் கோவிந்தன், அதிகாரிகள் மற்றும் பலர் கலந்து கொண்டனர்.