கைப்பந்து போட்டி; வெற்றி பெற்ற அணிகளுக்கு பரிசு

காரையூர்:

காரையூரில் ஊர் பொதுமக்கள் மற்றும் கலாம் நினைவு கைப்பந்து கழகம் இணைந்து 25-ம் ஆண்டு கைப்பந்து போட்டி நடத்தினர். இதில் புதுக்கோட்டை, திருச்சி, சிவகங்கை மற்றும் சுற்றுவட்டார கிராமங்கள் உள்ளிட்ட பல்வேறு ஊர்களில் இருந்து 20 அணிகள் கலந்து கொண்டு விளையாடின. போட்டிகள் பல்வேறு சுற்றுகளாக நடத்தப்பட்டன. இதில் முதல் பரிசை பாகனேரி அணியினரும், இரண்டாம் பரிசை இடையன்குடி அணியினரும், மூன்றாம் பரிசை புதுக்கோட்டை அணியினரும், நான்காம் பரிசை காரையூர் அணியினரும் பெற்றனர். பின்னர் போட்டியில் வெற்றி பெற்ற அணிகளுக்கு ரொக்கப் பரிசுகள் மற்றும் சிறந்த வீரர்களுக்கு பரிசுகள் வழங்கப்பட்டன. இந்த போட்டியை காரையூர் சுற்று வட்டார பகுதியில் இருந்து வந்த திரளான பொதுமக்கள் கண்டு களித்தனர்.