10-ம் வகுப்பு தேர்வில் வாசுதேவநல்லூர் பள்ளி மாணவர்கள் சாதனை

வாசுதேவநல்லூர்:

தென்காசி மாவட்டம் வாசுதேவநல்லூர் தரணி சர்வதேசப் பள்ளியில் 10, 12-ம் வகுப்பு பொதுத் தேர்வில் 100 சதவீத தேர்ச்சி பெற்றுள்ளதை முன்னிட்டு மாணவ-மாணவிகளுக்கு பாராட்டு விழா நடைபெற்றது. 12-ம் வகுப்பு மாணவர் அப்துல் ரஹீம் பள்ளியில் முதலிடத்தையும், ஜான் கிப்ட்ஸன் 2-ம் இடத்தையும், ராஜேஸ்வரி 3-ம் இடத்தையும் பிடித்தனர். 10-ம் வகுப்பில் ஹரிணி தேவி முதலிடத்தையும், சிவதர்ஷினி 2-ம் இடத்தையும், யமுனா 3-ம் இடத்தையும் பெற்றனர்.

மேலும் தமிழில் 2 மாணவர்கள் 100 மதிப்பெண்கள் பெற்றுள்ளனர். சாதனை படைத்த மாணவர்களை பள்ளி தலைவர் பழனி ஜி.பெரியசாமி, பள்ளி தாளாளர் ராமலிங்கம், பள்ளி முதல்வர் ஜீன் பிட்டர் மற்றும் ஆசிரியர்கள், பெற்றோர்கள் பாராட்டினார்கள். சாதனை படைத்த மாணவர்களுக்கு பரிசுகள் வழங்கப்பட்டன.