முத்துமாரியம்மன் கோவிலில் வைகாசி திருவிழா

நெமிலியை அடுத்த சயனபுரம் புதுகண்டிகை கிராமத்தில் உள்ள முத்துமாரியம்மன், கொளக்கியம்மன் கோவிலில் வைகாசி மாத திருவிழா நடைபெற்றது. விழாவை முன்னிட்டு அம்மனுக்கு காலையில் சந்தனம், மஞ்சள், பால், இளநீர் ஆகியவற்றால் அபிஷேகம் நடைபெற்றது. பின்பு 300-க்கும் மேற்பட்ட பக்தர்கள் ஊர்வலமாக சென்று ஊரணி பொங்கல் வைத்து அம்மனுக்கு படைத்தனர். தொடர்ந்து பக்தர்கள் அலகு குத்தி கிராமத்தின் அனைத்து வீதிகளிலும் ஊர்வலமாக வந்து நேர்த்திக்கடன் செலுத்தினர்.

பின்னர் அம்மன் மலர்களால் அலங்காரம் செய்யப்பட்டு வீதி உலா நடந்தது. பக்தர்கள் திரளாக கலந்துகொண்டு சாமிதரிசனம் செய்தனர்.