வீட்டின் கதவை உடைத்து திருட முயற்சி

ஒரத்தநாடு;

ஒரத்தநாட்டை அடுத்துள்ள ஆழிவாய்க்கால் கிராமத்தைச் சேர்ந்தவர் விஜயகுமார் (வயது45). இவருக்கு இதே ஊரில் சொந்தமாக வீடு உள்ளது. தற்போது விஜயகுமார் குடும்பத்துடன் துபாயில் தங்கி வேலை செய்து வருகிறார். இதனால் இவரது வீடு பூட்டப்பட்டு இருந்தது. இந்த நிலையில் சம்பவத்தன்று இவரது வீட்டின் பின்பக்க கதவை உடைத்து உள்ளே புகுந்த மர்ம நபர்கள் பொருட்களை திருட முயன்றனர். ஆனால் வீட்டில் நகை- பணம் ஏதும் இல்லை என்று கூறப்படுகிறது. இதனால் ஏமாற்றம் அடைந்த மர்ம ஆசாமிகள் அங்கிருந்து தப்பி சென்று விட்டனர். இது குறித்த புகாரின் பேரில் ஒரத்தநாடு போலீசார் வழக்குப் பதிவு செய்து மர்ம நபா்களை தேடி வருகின்றனர்.