ராணுவ வீரர் நினைவிடத்தில் மரியாதை

செங்கோட்டை:

கடந்த 2020-ம் ஆண்டு மே 4-ந் தேதி காஷ்மீர் மாநிலம் குப்வாரா மாவட்டத்தில் பயங்கரவாதிகளுடன் நடந்த துப்பாக்கி சண்டையில் தென்காசி மாவட்டம் செங்கோட்டை அருகே உள்ள மூன்றுவாய்க்கால் பகுதியை சேர்ந்த சி.ஆர்.பி.எப். வீரர் சந்திரசேகர் உள்பட 3 வீரர்கள் உயிரிழந்தனர். இந்த நிலையில் சந்திரசேகரின் 3-ம் ஆண்டு நினைவு தினத்தை முன்னிட்டு, தென்காசி பட்டாளம் ராணுவ நலச்சங்கம் சார்பில் மூன்றுவாய்க்கால் பகுதியில் உள்ள அவரது நினைவிடத்தில் மாலை அணிவித்து மரியாதை செலுத்தப்பட்டது. மேலும் ெமகுழுவர்த்தி ஏற்றி வைத்து ஒரு நிமிடம் மவுன அஞ்சலி கடைபிடிக்கப்பட்டது. சங்க தலைவர் ராம்குமார், கவுரவ தலைவர் மணி, செயலாளர் முருகன், துணைச் செயலாளர் ரஞ்சித், சந்திரசேகரின் மனைவி ஜெனிபர் கிறிஸ்டி உள்பட பலர் கலந்து கொண்டனர்.