ஆசிரியர்களுக்கு இடமாறுதல் கலந்தாய்வு

தமிழகத்தில் பள்ளி கல்வித்துறை சார்பில் ஆசிரியர்களுக்கான இடமாறுதல் மற்றும் பதவி உயர்வுக்கான கலந்தாய்வு இணையதளம் மூலம் நடத்தப்பட்டு வருகிறது. முதுநிலை பட்டதாரி ஆசிரியர்களுக்கு ஏற்கனவே கலந்தாய்வு முடிந்துள்ளது.

இந்த நிலையில் பட்டதாரி ஆசிரியர்களுக்கு மாவட்ட அளவிலான கலந்தாய்வு கடந்த 25-ந் தேதி தொடங்கியது. இந்த கலந்தாய்வு நேற்றும் நடைபெற்றது. நெல்லை மாவட்டத்துக்கான கலந்தாய்வு பாளையங்கோட்டை சாராள் தக்கர் பெண்கள் மேல்நிலைப்பள்ளி வளாகத்தில் நடைபெற்றது. இதில் 295 பேர் கலந்து கொண்டனர். அவர்களில் 48 பேருக்கு பணிஇடமாறுதல் ஆணை வழங்கப்பட்டது. இதற்கான ஏற்பாடுகளை நெல்லை மாவட்ட முதன்மை கல்வி அலுவலர் திருப்பதி தலைமையில் அலுவலர்கள் செய்திருந்தனர்.