மோட்டார் சைக்கிளில் சென்றபோது பரிதாபம்: பால் வேன் மோதி அரசு பஸ் டிரைவர் சாவு

அலங்காநல்லூர்

மதுரை மாவட்டம் அலங்காநல்லூர், கலைவாணர் நகர் பகுதியை சேர்ந்தவர் ஆனந்த் (வயது 42). அரசு பஸ் டிரைவர். இவருக்கு திருமணமாகி இரண்டு மகள்கள், ஒரு மகன் உள்ளனர். ஆனந்த் நேற்று வழக்கம்போல் பணியை முடித்துவிட்டு மதுரையில் இருந்து அலங்காநல்லூர் நோக்கி மோட்டார் சைக்கிளில் வீட்டிற்கு சென்று கொண்டிருந்தார். கல்லணை பிரிவு அருகே வரும் போது எதிரே வந்த பால் வேனும், ஆனந்த் சென்ற மோட்டார் சைக்கிளும் எதிர்பாராத விதமாக மோதியது. இதில் பலத்த காயமடைந்த ஆனந்த் மதுரை அரசு ஆஸ்பத்திரியில் சிகிச்சைக்காக சேர்க்கப்பட்டார். அங்கு சிகிச்சை பலனின்றி அவர் இறந்தார். இந்த விபத்து குறித்து அலங்காநல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.