பாதாள சாக்கடை பணி நடப்பதால் சேலத்தில் இன்று முதல் போக்குவரத்து மாற்றம்

சேலம் மாநகராட்சி சார்பில் பாதாள சாக்கடை திட்டத்தின் கீழ் குழாய்கள் பதிக்கும் பணிகள் திருச்சி பிரதான சாலை முதல் மூங்கப்பாடி வரை இன்று (புதன்கிழமை) முதல் வருகிற 31-ந்தேதி வரை நடக்கிறது. எனவே சேலம் பழைய பஸ் நிலையத்தில் இருந்து ராசிபுரம், மல்லசமுத்திரம், ஆட்டையாம்பட்டி, இளம்பிள்ளை, மகுடஞ்சாவடி, பனமரத்துப்பட்டி மார்க்கமாக செல்லும் அனைத்து பஸ்களும், வள்ளுவர் சிலை சந்திப்பு, கலெக்டர் அலுவலகம், 4 ரோடு, சத்திரம், லீ பஜார், சண்முகா பாலம், சந்தை பேட்டை வழியாக நெத்திமேடு சென்று மற்ற இடங்களுக்கு செல்ல வேண்டும். புலிகுத்தி சந்திப்பில் இருந்து பிரபாத் செல்ல வேண்டிய மோட்டார் சைக்கிள், கார் உள்ளிட்ட 4 சக்கர வாகனங்கள் புலிகுத்தி மெயின் ரோடு, சிவனார் தெரு, கருங்கல்பட்டி சாலை வழியாக திருச்சி சாலை வழியாக மற்ற இடங்களுக்கு செல்ல வேண்டும். இந்த தகவலை சேலம் மாநகர போலீசார் தெரிவித்து உள்ளனர்.