உலக சுற்றுலா தினம் கொண்டாட்டம்

தர்மபுரி அரசு கலைக்கல்லூரியில் சுற்றுலாத்துறை சார்பில் உலக சுற்றுலா தினம் கொண்டாடப்பட்டது. விழாவுக்கு கல்லூரி முதல்வர் கிள்ளிவளவன் தலைமை தாங்கினார். வரலாற்றுத்துறை பேராசிரியர் சாரதி வரவேற்று பேசினார். சுற்றுலா அலுவலர் கதிரேசன் உலக சுற்றுலா தின கொண்டாட்டம் குறித்து விளக்கி பேசினார். இந்த நிகழ்ச்சியில் தமிழக பாரம்பரிய முறைப்படி விருந்தினர்களை வரவேற்று இனிப்பு வழங்கப்பட்டது. உலக சுற்றுலா தின விழா 2022 தொடர்பாக தர்மபுரி அரசு கலைக்கல்லூரி மாணவர்களுக்கிடையே மறு சிந்தனையில் சுற்றுலா என்ற கருப்பொருளை மையமாக கொண்டு கட்டுரை, பேச்சு போட்டிகள் நடத்தப்பட்டு வெற்றி பெற்ற மாணவர்களுக்கு பரிசுகள் வழங்கப்பட்டன. விழாவில் பேராசிரியர்கள், மாணவ, மாணவிகள் கலந்து கொண்டனர்.