ராணிப்பேட்டை மாவட்டம் ஆற்காடு நகர தி.மு.க. சார்பில் திருவள்ளுவர் தின விழா கொண்டாடப்பட்டது. நகர தி.மு.க. செயலாளர் ஏ.வி.சரவணன் தலைமை தாங்கினார். அவைத்தலைவர் பி.என்.எஸ்.ராஜசேகர், நகரமன்ற தலைவர் தேவி பென்ஸ்பாண்டியன், துணைத்தலைவர் டாக்டர் பவளக்கொடி சரவணன், முன்னாள் நகரமன்ற துணைத் தலைவர் பொன்.ராஜசேகர், மாவட்ட மருத்துவ அணி அமைப்பாளர் பி.என்.எஸ்.சரவணன் உள்பட பலர் முன்னிலை வகித்தனர். மாவட்ட அவைத்தலைவர் ஏ.கே.சுந்தரமூர்த்தி கலந்து கொண்டு திருவள்ளுவர் உருவ சிலைக்கு மாலை அணிவித்து மரியாதை செலுத்தினார். பின்னர் பொதுமக்களுக்கு இனிப்பு வழங்கினார்.
இதில் நகர நிர்வாகிகள், நகரமன்ற உறுப்பினர்கள் உள்பட பலர் கலந்து கொண்டனர்.