கத்தியை காட்டி மிரட்டிபுரோட்டா கடைக்காரரிடம் பணம் பறிக்க முயற்சி: சிறுவன் உள்பட 2 பேர் கைது

போடி பெரியாண்டவர் நெடுஞ்சாலையில் புரோட்டா கடை வைத்திருப்பவர் செண்பகவேல் (வயது 28). நேற்று முன்தினம் மாலை இவரது கடைக்கு திருமலாபுரம் ஒருகால் பாதையை சேர்ந்த ஆட்டோ டிரைவரான ராமகிருஷ்ணன் (47), 17 வயது சிறுவன் ஆகியோர் வந்தனர். அவர்கள் செண்பகவேலிடம் கத்தியை காட்டி மிரட்டி பணம் கேட்டதாக கூறப்படுகிறது. இதையடுத்து அவர் கூச்சல் போட்டார். இந்த சத்தம் கேட்டு அக்கம்பக்கத்தினர் ஓடி வந்து அவர்களை பிடிக்க முயன்றனர். அதற்குள் அவர்கள் தப்பி ஓடி விட்டனர். இதுகுறித்து செண்பகவேல் போடி நகர் போலீஸ் நிலையத்தில் புகார் கொடுத்தார். அதன்பேரில் போலீசார் வழக்குப்பதிவு செய்து 2 பேரையும் கைது செய்தனர்.