தூத்துக்குடி மாவட்ட கைப்பந்து போட்டியில் தூத்துக்குடி அணிகள் வெற்றி

தூத்துக்குடி மாவட்ட கைப்பந்து கழகம் சார்பில் மாவட்ட அளவிலான ஆண்களுக்கான கைப்பந்து போட்டிகள் மாவட்ட விளையாட்டு அரங்கம், தூத்துக்குடி ஜிம்கானா கிளப் ஆகிய இடங்களில் நடந்தது. இந்த போட்டிகளில் மாவட்டம் முழுவதும் இருந்து 23 அணிகள் கலந்து கொண்டு விளையாடின. இந்த போட்டியில் தூத்துக்குடி ஜிம்கானா கிளப் அணி முதல் இடத்தையும், கால்டுவெல் வாலிபால் கிளப் அணி 2-வது இடத்தையும் பிடித்தன.

போட்டிகளில் வெற்றி பெற்ற அணிகளுக்கான பரிசளிப்பு விழா நடந்தது. விழாவில் வெற்றி பெற்ற அணிகளுக்கு வெற்றி கோப்பைகள், பரிசு மற்றும் சான்றிதழ்கள் வழங்கப்பட்டது. விழாவில் திரளான வீரர்கள், பொதுமக்கள் கலந்து கொண்டனர்.