கோட்டை மாடசாமி கோவிலில் திருவிளக்கு பூஜை

பாவூர்சத்திரம்:

பாவூர்சத்திரம் அருகே உள்ள கீழப்பாவூர் கோட்டை மாடசாமி கோவில் கொடை விழா 2 நாட்கள் நடைபெற்றது. இதை முன்னிட்டு 251 திருவிளக்கு பூஜை, நையாண்டி மேளம், வில்லிசை, மகுட ஆட்டத்துடன் சுவாமிக்கு சிறப்பு பூஜைகள் நடைபெற்றன. இதில் திரளான பக்தர்கள் கலந்து கொண்டனர்.

இதேபோல் ஆரியங்காவூர் சுடலைமாட சுவாமி கோவில் கொடை விழாவையொட்டி குற்றாலத்தில் இருந்து புனித நீர் எடுத்து வந்து சிறப்பு பூஜை நடந்தது. இரவில் சுடலைமாடனுக்கு சாம பூஜை நடைபெற்றது. இதில் திரளான பக்தர்கள் கலந்து கொண்டனர்.