தாறுமாறாக ஓடிய பஸ் மின்கம்பங்களில் மோதி, டீக்கடைக்குள் புகுந்ததால் பரபரப்பு

நெல்லையில் இருந்து புளியங்குடிக்கு நேற்று காலையில் அரசு பஸ் புறப்பட்டு சென்றது. இந்த பஸ் காலை 10 மணியளவில் தென்காசி நகர எல்லையில் வாய்க்கால் பாலம் அருகில் சென்றபோது திடீரென்று நிலைதடுமாறி தாறுமாறாக ஓடியது. அங்கு சாலையின் இடதுபுறமுள்ள இரும்பு மின்கம்பங்களின் மீது அடுத்தடுத்து பயங்கரமாக மோதிய பஸ், சாலையோர டீக்கடைக்குள்ளும் புகுந்தவாறு நின்றது. இதனால் பஸ்சில் இருந்த பயணிகள் கூச்சலிட்டனர்.

மின்கம்பங்களின் மீது மோதிய வேகத்தில் உயரழுத்த மின்கம்பிகள் அறுந்து விழுந்தன. எனினும் மின் இணைப்பு உடனடியாக துண்டிக்கப்பட்டதால் பெரும் விபத்து தவிர்க்கப்பட்டது. ேமலும் டீக்கடையில் பஸ் மோதியபோது, சிலர் டீக்கடைக்குள் இருந்தாலும் அதிர்ஷ்டவசமாக காயமின்றி உயிர் தப்பினர். இதுகுறித்து தகவல் அறிந்ததும், மின்வாரிய ஊழியர்கள் விரைந்து சென்று, மின்வினியோகத்தை சீரமைக்கும் பணியில் ஈடுபட்டனர். இந்த சம்பவம் அப்பகுதியில் பரபரப்பை ஏற்படுத்தியது.