காரில் இருந்த பணம் திருட்டு; வாலிபர் கைது

வடக்கன்குளம்:

கன்னியாகுமரி மாவட்டத்தைச் சேர்ந்தவர் செல்வராஜ் (வயது 67). இவரும், அவரது கார் டிரைவர் கொட்டாரத்தைச் சேர்ந்த ராஜ்குமார் மகன் அனீஸ் (22) என்பவரும் பழவூர் அருகே கூட்டப்புளியில் நடைபெறும் கோவில் திருவிழாவுக்கு காரில் வந்தனர். இந்த நிலையில் காரில் செல்வராஜ் வைத்திருந்த சுமார் ரூ.60 ஆயிரத்தை அனீஸ் திருடியதாக கூறப்படுகிறது. இதுகுறித்து செல்வராஜ் பழவூர் போலீசில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி அனீசை கைது செய்தனர். அவரிடம் இருந்து பணம் பறிமுதல் செய்யப்பட்டது.