பாப்பாரப்பட்டியில்நகைக்கடையில் ரூ.2 லட்சம் வெள்ளி நகைகள் திருட்டுபோலீசார் விசாரணை

பாப்பாரப்பட்டி:

பாப்பாரப்பட்டியில் உள்ள நகைக்கடையின் பூட்டை உடைத்து ரூ..2 லட்சம் வெள்ளி நகை கள் திருட்டு போனது குறித்து போலீசார் விசாரணை நடத்தி வருகின்றனர்.

நகைக்கடை

தர்மபுரி மாவட்டம் பாப்பாரப்பட்டி பழைய சுப்பிரமணியசுவாமி கோயில் தெருவை சேர்ந்தவர் சீனிவாசன். இவரது மனைவி மைதிலி (வயது 36). இவர் பாப்பாரப்பட்டி கடைவீதியில் நகைக்கடை வைத்துள்ளார். இதில் வெள்ளி நகைகள் மற்றும் வெள்ளி பொருட்கள் விற்பனை செய்து வருகிறார்.

இந்த நிலையில் நேற்று காலை வழக்கம் போல் கடையை திறக்க சென்றபோது கதவின் முன்பக்க ஷட்டர் பூட்டு உடைக்கப்பட்டிருந்ததை கண்டு அதிர்ச்சியடைந்தார். உள்ளே சென்று பார்த்தபோது வெள்ளி நகைகள் மற்றும் டம்ளர்கள் உள்ளிட்ட 10 கிலோ எடையுள்ள சுமார் 2 லட்சம் ரூபாய் வெள்ளி நகைகள் திருட்டு போனது தெரியவந்தது.

விசாரணை

இதுகுறித்து மைதிலி பாப்பாரப்பட்டி போலீசில் புகார் கொடுத்தார். பாப்பாரப்பட்டி போலீசார் சம்பவ இடத்துக்கு விரைந்து சென்று நேரில் விசாரணை நடத்தினர். மேலும் அருகில் இருந்த கண்காணிப்பு கேமரா காட்சி பதிவுகளை ஆய்வு செய்தபோது 2 மர்ம நபர்கள் நள்ளிரவில் கடையில் முன்பக்கம் உள்ள ஷட்டர் பூட்டை உடைத்து கதவை திறந்து நகை திருட்டில் ஈடுபட்டது தெரியவந்துள்ளது. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.