அரூர்:
தர்மபுரி மாவட்டம் அரூர் அருகே உள்ள பாப்பிசெட்டிப்பட்டி கிராமத்தை சேர்ந்தவர் மாது (வயது 45). இவர் அரூர் ஆசிரியர் காலனி பகுதியில் உள்ள கட்சி அலுவலகம் முன்பு சாலையோரத்தில் தனது மோட்டார் சைக்கிளை நிறுத்திவிட்டு சென்றார். சிறிது நேரம் கழித்து மீண்டும் திரும்பி வந்து பார்த்தபோது அவருடைய மோட்டார் சைக்கிள் மாயமாகி இருந்தது. பல்வேறு இடங்களில் தேடி பார்த்தும் கிடைக்கவில்லை. இதனால் அதிர்ச்சி அடைந்த மாது இதுகுறித்து அரூர் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து மோட்டார் சைக்கிள் திருட்டில் ஈடுபட்ட மர்ம நபர்கள் யார்? என்பது குறித்து விசாரணை நடத்தி வருகின்றனர்.