தீரன் சின்னமலையின் வாழ்க்கை வரலாற்றை அனைத்து மாநில மொழிப்பாடங்களிலும் சேர்க்க வேண்டும் - ராமதாஸ் வலியுறுத்தல்

சென்னை,

பாமக நிறுவனர் டாக்டர் ராமதாஸ் வெளியிட்ட டுவிட்டர் பதிவில்,

வெள்ளையரை வீழ்த்திய தீரன் சின்னமலையின் பிறந்தநாளில் அவரது வீரத்தைப் போற்றுவோம்!!

ஆங்கிலேயர்களை அஞ்ச வைத்த, வீரத்தின் விளைநிலம் என்று போற்றப்பட்ட, கொங்கு நாட்டு மன்னர் தீரன் சின்னமலையின் 267-ஆவது பிறந்தநாளில் அவரது வீரத்தையும், தீரத்தையும் போற்றுவோம்.

தீரன் சின்னமலையில் வீர வரலாறு மாணவர்களுக்கு கற்பிக்கப்பட வேண்டும். அதற்காக இந்தியா முழுவதும் அனைத்து மாநில மொழிப்பாடங்களிலும் தீரன் சின்னமலையின் வாழ்க்கை வரலாற்றை சேர்க்க வேண்டும்.

அதற்கான நடவடிக்கைகளை தமிழ்நாடு அரசு மேற்கொள்ள வேண்டும்.

இவ்வாறு அதில் கூறப்பட்டுள்ளது.