வீட்டின் இரும்பு கதவுகளை திருடிய வாலிபர் கைது

கண்டாச்சிபுரம் தாலுகா ஆயந்தூர் கிராமத்தைச் சேர்ந்தவர் கண்டேசன் (வயது 37), விவசாயி. இவர் தனது வீட்டின் பழைய 2 இரும்பு கதவுகளை கழற்றி வீட்டின் அருகில் வைத்திருந்தார். அதனை யாரோ திருடிச்சென்று விட்டனர். இதுகுறித்து அவர், காணை போலீஸ் நிலையத்தில் புகார் செய்தார். அந்த புகாரில், இரும்பு கதவை அதே கிராமத்தைச் சேர்ந்த குமரேசன் (21), நாகராஜ் (21), அருண்குமார் (19) ஆகியோர் திருடிச்சென்றிருப்பதாக கூறியிருந்தார். அதன்பேரில் குமரேசன் உள்ளிட்ட 3 பேர் மீதும் போலீசார் வழக்குப்பதிவு செய்து அருண்குமாரை கைது செய்தனர்.