நாய் குறுக்கே வந்ததால் மோட்டார்சைக்கிளிலிருந்து தவறி விழுந்து வாலிபர் பலி

நாய் குறுக்கே வந்ததால் மோட்டார்சைக்கிளிலிருந்து தவறி விழுந்து வாலிபர் பலியானார்.

திருவண்ணாமலை கீழ்நாத்தூர் பகுதியை சேர்ந்த ராஜேந்திரன் மகன் கார்த்திக் (வயது 32). இவர் கடந்த 24-ந் தேதி இரவு மோட்டார் சைக்கிளில் காந்தி நகர் 9-வது தெருவில் பூங்கா அருகில் சென்று கொண்டிருந்தார். அப்போது நாய் ஒன்று குறுக்கே வந்ததால் மோட்டார்சைக்கிளை அந்த இடத்திலேயே நிறுத்த முயன்றார்.

அப்போது நிலை தடுமாறிய அவர் மோட்டார்சைக்கிளிலிருந்து தவறி கீழே விழுந்தார். அங்கிருந்தவர்கள் அவரை 108 ஆம்புலன்சு மூலம் திருவண்ணாமலை அரசு மருத்துவமனைக்கு கொண்டு சென்றனர். அங்கு கார்த்திக்கை பரிசோதனை டாக்டர்கள் அவர் வரும் வழியிலேயே இறந்து விட்டதாக தெரிவித்தனர். இது குறித்த புகாரின் பேரில் திருவண்ணாமலை கிழக்கு போலீசார் வழக்குப்பதிவு செய்து விசாரணை நடத்தி வருகின்றனர்.