சாலை விபத்தில் வாலிபர் சாவு

பர்கூர்

தனியார் நிறுவன ஊழியர்

சேலம் மாவட்டம் மேட்டூர் ராம்நகர் பகுதியை சேர்ந்தவர் சங்கர். அவருடைய மகன் தீபக் அரவிந்த் (வயது 22). இவர் சென்னையில் தனியார் நிறுவனத்தில் வேலை செய்து வருகிறார். இவர் மேட்டூரில் இருந்து சென்னைக்கு மோட்டார் சைக்கிளில் கிருஷ்ணகிரி வழியாக சென்று கொண்டிருந்தார்.

பர்கூர் அருகே சென்றபோது நிலை தடுமாறி மோட்டார் சைக்கிள் சாலையில் விழுந்தது. இந்த விபத்தில் தீபக் அரவிந்த் படுகாயம் அடைந்து சம்பவ இடத்திலேயே பரிதாபமாக உயிரிழந்தார். இந்த விபத்து பர்கூர் போலீசாருக்கு தகவல் தெரிவிக்கப்பட்டது.

விசாரணை

அதன் பேரில் போலீசார் விரைந்து சென்று தீபக் அரவிந்த்தின் உடலை மீட்டு கிருஷ்ணகிரி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.