டீ மாஸ்டர் தூக்குப்போட்டு தற்கொலை

கொண்டலாம்பட்டி

சேலம் ஜாரி கொண்டலாம்பட்டி சுண்ணாம்பு கார தெருவை சேர்ந்தவர் பெரியசாமி என்ற நந்தகுமார் (வயது 23). டீ மாஸ்டர். இவர் கடந்த 6 மாதங்களாக வேலை ஏதும் கிடைக்காமல் இருந்து வந்ததாக கூறப்படுகிறது. இதனால் விரத்தியில் இருந்த நந்தகுமார் நேற்று மதியம் வீட்டில் யாரும் இல்லாத நேரத்தில் சேலையால் தூக்குப்போட்டு தற்கொலை செய்து கொண்டார். இதுகுறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்