தூத்துக்குடியில் துணிகரமாக டாக்டர் வீட்டில் 7 பவுன் நகையை திருடிய மர்ம நபர்களை போலீசார் தேடி வருகின்றனர்.

தூத்துக்குடியில் துணிகரமாக டாக்டர் வீட்டில் 7 பவுன் நகையை திருடிய மர்ம நபர்களை போலீசார் தேடி வருகின்றனர்.

டாக்டர்

தூத்துக்குடி பால்பாண்டி நகர் 2-வது தெருவை சேர்ந்தவர் அமுதன் (வயது 49). இவர் தூத்துக்குடி அரசு ஆஸ்பத்திரியில் புற்றுநோய் அறுவை சிகிச்சை நிபுணராக உள்ளார். சம்பவத்தன்று இவர் வீட்டை பூட்டிவிட்டு கோவையில் உள்ள தனது மகனை பார்க்க சென்று விட்டாராம். இந்த நிலையில் அவரது வீட்டில் பணியாற்றும் மணிகண்டன் என்பவர் வீட்டில் வெளிப்புறம் உள்ள தோட்டத்துக்கு தண்ணீர் ஊற்ற சென்றாராம். அப்போது வீட்டின் கதவில் துளையிடப்பட்டு இருப்பது தெரியவந்தது.

திருட்டு

இது குறித்த தகவலின் பேரில் டாக்டர் அமுதன் வீட்டுக்கு வந்தார். தொடர்ந்து அவர் வீட்டின் உள்ளே சென்று பார்த்த போது, வீட்டில் இருந்த 7 பவுன் தங்கநகைகள் மற்றும் ரொக்கப்பணத்தை யாரோ மர்ம நபர்கள் திருடி சென்று இருப்பது தெரியவந்தது. இதனால் அதிர்ச்சி அடைந்த டாக்டர் அமுதன் சிப்காட் போலீசில் புகார் அளித்தார். புகாரின் பேரில் சிப்காட் போலீசார் வழக்கு பதிவு செய்து விசாரணை நடத்தி வருகின்றனர்.