வாலிபரை பிளேடால் காயப்படுத்தியவர் கைது

கரூர் ஏமூர் கொங்கு நகரை சேர்ந்தவர் பாரத்குமார் (வயது 19). இவர் முத்துராஜபுரம் பகுதியில் நின்று கொண்டு இருந்தாா். அப்போது அங்கு வந்த கரூர் காந்தி சாலையை சேர்ந்த சரவணன் (53) என்பவர் பாரத்குமாரை தகாதவார்த்தையால் திட்டி பிளேடால் காயப்படுத்தி உள்ளார். இதில் காயம் அடைந்த பாரத் குமார் கரூரில் உள்ள ஒரு தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். இதுகுறித்த புகாரின்பேரில், கரூர் டவுன் போலீசார் வழக்குப்பதிந்து சரவணனை கைது செய்து விசாரணை நடத்தி வருகின்றனர்.