மது பாட்டில்கள் வைத்திருந்தவர் கைது

நெல்லை சீவலப்பேரி போலீஸ் சப்-இன்ஸ்பெக்டர் சிவக்குமார் மற்றும் போலீசார் ரோந்து பணியில் ஈடுபட்டு இருந்தனர். அப்போது மறுகால்தலை பகுதியில் சந்தேகப்படும்படியாக நின்று கொண்டு இருந்த நபரை போலீசார் பிடித்து விசாரணை நடத்தினர். விசாரணையில் அவர் கலியாவூர் வேதக்கோவில் தெருவை சேர்ந்த சுப்புகுட்டி (வயது 32) என்பதும் அவர் சட்ட விரோதமாக விற்பனை செய்ய மது பாட்டில்கள் வைத்து இருந்ததும் தெரியவந்தது. இதனையடுத்து போலீசார் அவர் மீது வழக்குப்பதிவு செய்து அவரை கைது செய்தனர். அவரிடம் இருந்து 15 மது பாட்டில்களை பறிமுதல் செய்தனர்.