தொழிலாளியை மிரட்டியவர் கைது

சேரன்மாதேவி:

பத்தமடை மருதுபாண்டியர் தெருவை சேர்ந்தவர் முருகன் (வயது 49). தொழிலாளியான இவர் பெயிண்டிங் வேலை செய்து வருகிறார். அவர் வேலைக்கு செல்லும்போது, அறிஞர் அண்ணா தெருவை சேர்ந்த ஆறுமுகம் என்பவரது மகன் வேல்கணேஷ் (20) என்பவரையும் வேலைக்கு அழைத்து செல்வது வழக்கம். கடந்த 2 நாட்களாக அவர் வேல்கணேசை வேலைக்கு அழைத்து செல்லவில்லை. இதனால் முருகனை வேல்கணேஷ் அவதூறாக பேசி மிரட்டல் விடுத்ததாக கூறப்படுகிறது. இதுகுறித்து முருகன் பத்தமடை போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வேல்கணேசை கைது செய்தனர்.